Tuialhthei lak theih zat bithliah

Food, Civil Supplies and Consumer Affairs (FCSCA) department chuan thuchhuah siamin, Assam leh Mizoram ramriah buaina a awm avangin Mizorama petrol leh diesel ni khata hralh leh lak theih zat tur a bithliah.

FCSCA department-in ni khata tuialhthei hralh/lei zat tur a bithliah dan chuan, two wheeler tan litre 5, LMV tan litre 10, sumo/pick-up/gypsy tan litre 20, truck tan litre 70, city bus tan litre 30 leh, buhfai phur truck tan an challan-in a tarlan an kalna leh haw lehna lam daihte a ni.

Supply department chuan, security leh emergency atana hman turin petrol pump/dealer zawng zawngte chu diesel 5,000 leh petrol litre 2,000 aia tlem lo kawl reng turin a hriattir bawk.

Mizoram leh Assam ramria buaina chhuak avang hian, buaina chhuah hnuah state páwn aṭangin Mizoramah tuialhthei phur tanker-te an lut rih lo a, hei vang hian hmun hrang hrangah petrol leh diesel lak tum an intlar thui ṭhin hle a ni.



Share this Post

Login to comment
No Comments