DC pisaa thawkte pisa kai tur dang

Bairabi Zophai hmuna MZP-in chawlhbuk sak an tum avanga Mizo ṭhalaite' kut an tuar an duh lohzia lantirna atan nimin khan Lai Students' Association (LSA) chuan Lawngtlai DC pisaa thawktute pisa kai tur an dang a, buaina chhuak a awm lo.

Nimin chawhma dar 11 khan district administration hotute leh LSA hruaitute chu DRDA project director R Lalremsanga kaihhruaina hnuaiah an inkâwm a; district administration hotute chuan, LSA hruai­tute chu picketing an buatsaih chu titawp turin an ngen a ni.

LSA hruaitute chuan, an zirlaipuite tawrhnain an rilru a tihnat em avang­in DC pisa dan chu an chêt nêp theih dan ber a nih thu sawiin, official-te'n district tana hna thawh duhna rilru pua an ngenna chu lawmawm leh zahawm an tih rualin, a tawp thlenga dan law law an tum tlang an hrilh.

LSA hian March 10, 2018 zan aṭang khan Lawngtlai district chhung­a hnam dang (non-tribal) awmte páwna an chhuah an khap a, sumdawnna pawh kalpui chhunzawm lo turin an hriattir a ni.



Share this Post

Login to comment
No Comments