Sawhthing leh hmunphiah uar turin chah

ZNP president Lalduhoma chuan Mizorama kut hnathawktute chu kumin chhungin sawhthing leh hmunphiah chíng uar turin a chah.

Lalduhoma hian nimina ZNP pisaa inkhawmah thu sawiin, hmunphiah chu NLUP hnuaia trade malkhaia trade lian ber a nih laiin, Mizoram sorkarin a hralhna tur a ngaihthah hle niin a sawi a, "Sawhthing chíngtute pawhin a rate a ṭhat loh avangin an cho ngam lo. Kumin chhung hian kut hnathawktute’n sawhthing leh hmunphiah ching uar turin ka chah duh a, Zoram People’s Movement sorkar nghakhleltute’n an ching uar mek a ni," a ti.

Lalduhoma chuan, "Kan sorkar hrawn mek hian Burma vawkte pûl leh mai tur leina pawh budget-ah an dah theih chuan, kut hnathawktute thawh rah leina tur hi budget-ah kan dah thei ang tih hi a chiang a ni,” a ti bawk.

ZNP President chuan, pawl dangte nena an thawhhona, ZPM anga hma an laknaah, an zinna khaw hrang hrangah hmalak a nuam hle niin a sawi a, "Kan party ZNP-ah kum tam kan lo awm tawh, hun leh sum tam tak kan sêng, chutih rualin, ram siam turin kan mipuite’n party rilru dahṭha a, ZPM din an duh tlat hi Pathian remruat a niin ka hria," a ti a ni.



Share this Post

Login to comment
No Comments