Thingsai MSU lawm

Mizo Students' Union (MSU) sub-headquarters, Thingsai chuan thuchhuah siamin, Border Trade Center atana Mizoram sorkarin Thingsai a thlang chu lawmawm an tih thu an tarlang.

Thingsai MSU chuan, Thingsai chu British hun laia hmun pawimawh leh Myanmar nena insumdawn tawnna atan pawha hnuk hnai ber a nih thu leh, India sorkarin a ngaih pawimawh em avanga ramria pillar a phunna hmun a nih thu an tarlang a, "Mizoram sorkar Trade & Commerce department-in Border Trade tihhmasawnna tur atan bazar shed sa turin min ruahmansak a, hmalak ṭan a ni ta hi Commerce & Industries minister H Rohluna hnen­ah thinlung takin lawmthu kan sawi a ni," an ti.

Thingsai MSU chuan, Border Trade Center tipuitling turin Myanmar sorkar pawh an phûr hle nia sawiin, Ṭiau lui thlengin truck  kal theihna tur kawngpui an lai tawh a, kuminah blacktop an tum niin an sawi a; Mizoram sorkarin pawhin tun aia chak leh zualin hma la se an duh thu an sawi bawk.



Share this Post

Login to comment
No Comments