IIHR technology zirho

Indian Institute of Horticultural Research (IIHR), Bangalore leh Agriculture (Research & Extension) department chuan January 10, Nilai­ni khan Agriculture direct­orate conference hall-ah 'Training on improved varieties of IIHR and preci­sion farming of Vegetable crops' tih an buatsaih.

Training hi Agriculture (RE) joint director RL Thanzual'n a kaihruai a, IIHR-a mithiamte'n thil pawimawh hrang hrang an sawi. IIHR mithiamte chuan, Khawchhak Tui­pui kama tomato variety, Arka Rakshak, fûr laia an chìn chu IIHR tomato variety siam a nih thu an sawi a, "Tomato-ah chauh lo pawh IIHR hian technology ṭha tak tak a nei a ni," an ti a; IIHR technology-te chu lo neitute'n an hman ṭangkai lehzual theih nan district hrang hranga KVK scientist-te chu IIHR technology hmang uar turin an chah.

Training-ah hian Agri­culture leh Horticulture department-a officer te, district hrang hranga KVK scientist-te leh lo neitute an tel a ni. 



Share this Post

Login to comment
No Comments