In hmun nei lote in hmun pe

Land Revenue & Settlement (LRS) department chuan, in hmun nei lo insawia in hmun diltute hnenah Mualpui ramah in hmun tur an pe mek a, diltu eng emaw zat an awm a ni.

LRS department hotute hnen aṭanga thu dawn danin, in hmun diltute thlan danah hian tehfung (criteria) mumal tak siam a ni lo a, a diltu erawh in hmun nei lo a ni ngei tur a ni. In hmun nei lote bakah hian, ram pek thuah vanga ram nei lote duhsak an ni.

Zawhna chhangin LRS department hotute chuan, dilna thehlut zawng zawngte chu in hmun an neih leh neih loh finfiah sen vek an nih loh thu an sawi a, "In hmun nei lo ngeite hnena pek ngei erawh kan tum. In hmun nei reng tawh kan pe vak ang tih kan hlau a ni," an ti.

Land Revenue & Settlement department hotute sawi danin, in hmun pek kawngah hian thuneihna tawp chu LRS Minister kutah a awm a, Minister hi a fimkhur hle a, in hmun nei tawhte pek an nih lohna atan theihtawp a chhuah a ni. 



Share this Post

Login to comment
No Comments