Kawng siam nan Vaibelchhe 337.31 hmu

Mizoram sorkar chuan thuchhuah siamin, PWD chuan PMGSY scheme hnuaiah kawng laihna tur leh blacktopping tih turin Ministry of Rural Development aṭangin cheng vaibelchhe 337.31 a hmuh thu a tarlang.

Mizoram sorkar tarlan danin, cheng vbc. 337.31 hi khaw 18 kal pawhna tur a ni a; km. 145.66-a thui kawng laihna tur leh blacktopping tihna tur bakah, khaw pariat kawng km. 136.66-a thui blacktopping tihna tur a ni. Sanction hi January 9, 2018 khan hmuh a ni.

Hei bakah hian, PMGSY hnathawh zel nan tun working season-a hman atan cheng vbc. 154.32 chu December 27, 2017 khan sorkar laipuiin Mizoram sorkar hnenah a lo pe chhuak tawh bawk.



Share this Post

Login to comment
No Comments