Bairabi kawngah inkâp hlum

December 11, Thawhṭanni zan dar 9 vel khan Hen­ry Lalengkima (30) s/o Lalṭhaluna, Kola­sib Hmarveng chu Laltlan­thanga (53) s/o Thangzama, Kolasib Hmarveng-in silaiin a kâp hlum.

Kolasib Police-te sawi danin, Henry Laleng­kima leh a ṭhiante chu Bai­rabi kawnga Zero Point bul, El Sadai Farm-ah thing lâin an riak a, Lal­tlanthanga hi Thawhṭanni khan a thangkam en tur leh ramvâk turin Henry Lalengkima te riahna bul Zokaia te inah a thleng ve a ni.

Laltlanthanga'n police a hrilh danin, Thawh-

ṭanni tlai, thimhlimah a thlennaah Henry-a chu kalin, an tibuai deuh a; an intihbuainaah chuan a tlu turin silai a hmet palh a ni. Laltlanthanga hi Thawhṭanni zan khan Bilkhawthlir Police Station-ah a inpe nghal a, nimin khan Court-a hruai niin, district jail-ah dah luh nghal a ni.



Share this Post

Login to comment
No Comments