2018-ah MNF-in MLA an chán vek ang - Zodintluanga

Minister Zodintluanga, Congres Legislature Party (CLP)-a treasurer ni bawk chuan, Mizoramah tualṭo party tlu tawh an ding chhuak ngai lo nia sawiin, "Kum 2018 inthlanah phei chuan MNF hian an MLA neih lai pawh hi an chán vek ang," a ti.

Nimina Lunglei Congress Bhavan-a inkhawmah thu sawiin Zodintluanga chuan, "Mizoramah tualṭo party sor­karna lo siam ve tawh, mipuiin an hnâwl tawh hnu an ding chhuak tawh ngai lo. Mizo Union leh PC party-te kha an hun lai khan chak tak an ni a, mahse, mipuiin an hnâwl chinah an dingchhuak thei tawh lo," a ti a; MNF pawh Laldenga hoa sorkarna an chan hnua an tluk hnuah mipuiin absolute majority an pe tawh lo niin a sawi.

MNF chu a dintu Laldenga awm tawh loh hnuah mipuiin an duh tawh lo nia sawiin CLP Treasurer chuan, "Congress sorkar hmalakna hi mipuiin an hria a, kum 2018 inthlan lo awm turah phei chuan tun aia tam MLA kan neih belh dawn a, MNF-te chuan an MLA neih lai zawng zawng pawh hi an chán tawh ang," a ti.



Share this Post

Login to comment
No Comments