Protected Area Regime sût leh a ni

Ministry of Home Affairs chuan Mizoram, Manipur leh Nagaland Chief Secretary-te hnenah lehkha thawnin, Manipur, Mizoram leh Nagaland state-te Foreigners (Protected Areas) Order, 1958-in ‘Protected Area Regime’ hnuaia a dah chu kum 5 dang atan sût (relax) leh a nih thu a hriattir. Hei hian December 13, 2017 aṭanga December 31, 2022 thleng a huam dawn.

Ministry of Home Affairs thu ang chuan, Myanmar khua leh tui, Manipur, Mizoram leh Nagaland-a lutte tan Protected Area Permit an lak ngai ṭhin chu kum 5 dang atan sût leh a ni a; chu chu January 1, 2018 aṭanga December 31, 2022 chhung a ni. Amaherawhchu, Myanmar khua leh tui, state pathuma lut turte chuan India Missions/Posts aṭangin visa lak hmasak tur a ni a, darkar 24 chhung­in State/District Foreigner Registration Office-ah inhriattir ngei tur a ni bawk.

Myanmar khua leh tuite chu state pathumah kawngpui (by road) kal­tlangin lut mah se, châm hlen tum lote tan inziah luh a ngai lo a; an che vel erawh state/district-a Foreigner Registration Office-in an thlithlai reng tur a ni thung.

MHA-in hriat tur a tihte

lDan leh thupek kenkawhna lamah harsatna a thleng a nih chuan sorkar laipuiin relaxation hi a sût thei.

lAfghanistan, China leh Pakistan khua leh tuite chuan Manipur, Mizoram leh Nagaland state an luh hmain Ministry of Home Affairs aṭangin phalna (approval) an lak hmasak a ngai. Ministry phalna tel loa state pathuma lutte chu Foreigners Act hmangin man leh hrem theih an ni.

lManipur, Mizoram leh Nagaland-a ram pawn mi (foreigner) khualzin zawng zawngte chu state/district-a Foreigners Registration Office-ah darkar 24 chhungin an inhriattir tur a ni.

lManipur, Mizoram leh Nagaland state sorkarte chuan an state chhunga foreigner lutte che vel uluk taka thlithlai a nih theih nan FRO leh Police thuneitute chu an mamawh angin a thuam tur a ni.



Share this Post

Login to comment
No Comments