Media pualin sik leh sá sawiho

Centre for Media Studies, New Delhi chuan nimin khan Aijal Club-ah 'Climate change reporting in the Himalayas' tih thupui hmangin chanchinbumite pualin inrâwnkhawmna an buatsaih.

He inrawnkhawmna hi September 13 khan ṭan a ni tawh a, total bandh vanga September 14-a neih theih a nih loh hnuah, nimin khan chhunzawm leh a ni. Media-te'n sik leh sá inthlak chak tak chungchang mipui hnena an zirtirna an pek dan tur te, sik leh sá inthlak chungchang mipui hriattir dan ṭha zawkte sawiho a ni.

Media lama thawkte chuan, media-a thawkte chu climate change chanchin hre ber ber an nih loh avangin, Mizo zinga thiamna bik neite'n a tam thei ang mipui zirtirna tur thu ziak thei se, an duh thu an sawi.

Nimina zirhonaah hian resource person atan Mizoram University aṭangin Dr John Zothanzama leh Dr Irene Lalruatkimi te bakah, Vanglaini joint editor Lalnghinglova Hmar te hman an ni.



Share this Post

Login to comment
No Comments