VC nghet awm loh chungchangah Zirlaite'n memorandum an thehlut

Mizoram University Students’ Council (MZUSC) leh Aizawl City College Joint Students’ Union (ACCJSU) hruaitute chuan nimin khan Raj Bhavan-ah Governor Lt.Gen. Nirbhay Sharma an hmu a; MZU-in vice chancellor (VC) nghet a neih loh chung­changah memorandum an thehlut.

Governor chuan, zirlai hruaitute chu an harsatna tawh a hriatthiampui thu hrilhin, "Sorkar laipuiah vawi eng emaw zat ka thlen tawh a, anni lam pawhin an ngai pawimawh a, chingfel turin hma a la mek a ni," a ti a; VC nghet an neih loh vanga a bik taka harsatna an tawhte chu amah hriattir turin a chah.

MZU VC mawhphurhna la mektuin hna mumal zawka a thawh theih nan ṭawiawm ṭha turin zirlai hruaitute chu Larsap chu a chah a, university-a an kal chhante hre reng a, an zirlai tiṭhuanawp zawnga awm lo turin a ngen.

Hetih lai hian, MZUSC bultumin zirlaite chuan MZU VC dah nghet phûtin university-a staff leh zirlaite kal tur dan chhunzawm zel a ni.



Share this Post

Login to comment
No Comments