Aizawl DC-in exhibition a hawng

Ministry of Parliamentary Affairs leh Ministry of Petroleum and Natural Gas-te'n Quit India Movement kum 75-na puala 'India ram thar kan siam ngei ang' tih thupui hmanga Kulikawn YMA Hall-a exhibition an buatsaih chu nimin khan Aizawl DC Dr A Muthamma-i'n a hawng.

Dr A Muthamma chuan, Quit India Movement kum 75-na puala exhibition neih a ni chu lawmawm a tih thu sawiin, "Exhibition hi ram hruaitute'n theihtawpa India ram zalenna an sual chhuah dan leh tuna sorkar laipuiin hmasawnna tura program leh project a kalpui hrang hrangte inhrilhhriatna atana pawimawh a ni," a ti a; exhibition chu hmang ṭangkai turin zirlaite a chah.

Exhibition-ah hian sorkar laipui programme hrang hrang bakah, First War of Independence, Non-Cooperation Movement, Champaran Satyagraha, Dandi March, Quit India Movement leh India danpui pian chhuah dante thlalak leh video hmanga en tur a awm a ni.



Share this Post

Login to comment
No Comments