Hmar ṭawng major language atan pawm dan ngaihtuah turin Court-in sorkar hriattir

Gauhati High Court, Aizawl Bench chuan Mizoram sorkar chu Hmar ṭawng, state major language pakhat atana pawmsak dan ngaihtuah­sak thuai turin a hriattir. 

Mizoram sorkarin Hmar Peoples Conven­tion (HPC) nen inremna an siam ṭhenkhat a tihlawhtling lo nia an hriat avangin Sinlung Hills Accord Implementation Demand Committee chuan Mizoram sorkar Court-ah an khing a; Court chuan tun hnai khan thutlukna tichhuakin, inremnaa ziah lan, 'Hmar ṭawng chu Mizoram state major language pakhata pawmsak dan a ngaihtuah bawk ang,' tih chu tihpuitlin thuai tum a, order chhuah aṭanga kum khat chhunga hma la turin a hriattir a ni.

High Court chuan, Mizoram sorkar leh HPC inremnaa tihhlawhtlin loh dang, 'Hmar hnamte'n an duh dan leh phût angin, state sorkar chuan primary level china Hmar ṭawng hman a nih theih dan tur a ngaihtuah tur a ni,' tih pawh tihhlawhtlin dan kum khat chhunga zawng turin Mizoram sorkar a hriattir bawk. 



Share this Post

Login to comment
No Comments