Naupang khuaikhemtute Thiam loh chantir an ni

Naupang kumtlinglo khuaikhemtu mi pahnih chu Special Court (Protection of Children from Sexual Offences Act) chuan hrehawm taka kum 10 chhung táng tur leh Rs. 1,000 ve ve chawi turin a hrem. 

Additional public prosecutor H  Lalmuankima hnen aṭanga thu dawn danin, Mamit District Child Welfare Committee chairman H Darhmingliana chuan West Phailenga mi pakhat chu a fanu kum 6 mi khuakhem chínga puh a nih avangin West Phaileng Police Station-ah November 15, 2014 khan FIR a thehlut a; a thubuaiah Special Court-in tun hnai khan thutlukna siamin, thiam loh a chantir a ni.

Sangdingliana (35) s/o Lallungmuana, Tuikual North pawh nikum khan mipa naupang khuaikhemah puh a ni a, Special Court chuan thiam loh a chantir a ni. Mi pahnihte hian pawisa an chawi loh chuan ni 10 dang jail-ah an tàn belh ang.



Share this Post

Login to comment
No Comments