Dan loa Aadhaar car nei nia hriat Chakma man hmain a tlanbo

Sumasumi khuaa dan loa Aadhaar card siamtirtu nia hriat Tridipa chu August 10, Ningani khan Bunghmun police-te leh MZP sub-headquarters, Tlabung hruaitute'n man an tum a, an man hmain a tlanbo hman.

Tlabung MZP thuchhuah tarlan danin, MZP hruaitute hi an president P Vanlallawma hoin an kal a, Bunghmun police-te an kal bawk a; ram dang mi ni ngeia hriat Tridipa chuan dan loin Aadhaar card a neia an hriat avangin man an tum a ni. Sumasumi hi Tlabung aṭanga lui hnár lam km. 40 vela hlaah a awm.

Tlabung MZP hruaitute chuan, Tridipa chu ram dang mi a ni tih finfiahna an neih thu sawiin, Sumasumi an thlen hmaa a tlanbo hman chu pawi an tih thu an sawi a; a tlanbo chuan Bangladesh aṭanga Mizorama pém lut ngei a ni tih a nemngheta an ngaih thu an sawi bawk.

Tlabung MZP hruaitute chuan August 10 vek khan Sumasumi khuaa V/C leh Young Chakma Association hruaitute an kâwm nghal a; Mizoram mi dik tak Chakma-te chu an huat ber an ni lo a, an hmelma an nih loh thu leh, Bangladesh aṭanga dan loa pémte chu vênpui tura an duh thu an hrilh a ni.



Share this Post

Login to comment
No Comments