Taxation Champhai zone-in chhiah nuai 390 hmu tawh

Taxation department-a Champhai zone chuan April-December, 2016 chhung khan chhiah chi hrang hrang aṭangin cheng nuai 390 an hmu chhuak.

Champhai Zone Taxation department hotute chuan, sorkar kum kal mek chhunga target bituk chu an khûm ngei an beisei thu tarlangin, "Head account hnuaia sub-head 102, State Sales Tax (VAT), hmasawnna hnathawh aṭanga chhiah leh POL-ah beisei ang chhiah hmuh a ni lo. Hetih lai hian, Indo-Myanmar border trade kal­tlanga kuhva ro lak luh aṭangin chhiah ṭhahnem tak hmuh a ni a, chawh­rualin, quarter tinah cheng nuai 100 vel hmuh a ni," an ti.

Taxation department hotute sawi danin, sor­kara chhiah petu tur tam berte'n ṭha taka an pek laiin, chhiah pe ṭha duh lo mi ṭhenkhat an awm a; chhiah pe ṭha duh lote chu The Mizoram Public Demand Recovery Act (dan) hmanga hrem theih an ni.



Share this Post

Login to comment
No Comments