National School Games 2016-17-ah Mizoram team-in medal 10 an la

January 2-9, 2017 chhunga New Delhi-a 62nd. National School Games 2016-17 neihah Mizoram School Edu­cation department tirha kalte chuan infiamna chi li-ah medal 10 an la.

National School Games 2016-17 ah hian sport discipline hrang hrangah zirlaite an intihsiak a; Mizoram team-te chuan boxing, judo, karate leh taekwon­do-ahte medal an la a ni, chungte chu gold medal pakhat leh bronze medal pakua a ni.

Judo-ah Chinglun­mawii d/o Zamchina, Calvary Comprehen­sive School-in gold medal a la a; Calvary Comprehensive School zirlai dang Van­ram­mawii d/o Lalmuan­awma, Lalnun­siami d/o Sangthankima leh Laltlan­kimi d/o Sangthan­kima ten bronze medal an la.

Boxing-ah H Lalnun­hlima s/o H Phairo­siama, Tuipui M/S, Joseph Lalkhaw­ngaiha s/o Lalringliana, Mt. Horeb English School, Mal­sawmtluanga s/o Laleng­liana, Bazar High School-ten bronze medal an la. Taekwondo-ah PC Lalmuanawma s/o PC Tlanghmingthanga, Mamawii HSS leh Van­lalmawipuia s/o Zaihming­liana, KVM High School ten bronze an la a; karate-ah Vanlalremtluanga s/o TC Lalremsiama, St. Paul’s HSS-in bronze medal a la bawk.

Mizoram team-te hi School Education department aṭangin mi pali leh sport association hruaitute'n an hruai a; January 14-ah Aizawl an rawn thlen beisei a ni. 



Share this Post

Login to comment
No Comments