ZORO-in Mizo history chhui chian an duh

Zo Reunification Organisation (ZORO) hruaitute chuan nimin khan Aizawl Press Club-ah thuthar thehdarhtute an kâwm a; hmanlaia Mizo chanchin (history) chhui chian an duh thu leh, a chhui chiang turin committee an din thu an sawi. www.vanglaini.org

ZORO president R Sangkawia chuan, tuna Mizo history-ah chuan Mizote chu kum 1700 hma lamah tuna Mizoramah hian an la awm lo anga ziah a nih thu sawiin, "Hei hi ZORO chuan pawm harsa kan ti. He ramah hian Mizote hi tualchhuak (aborigin) kan ni a, kum 1700 hma lamah pawh kan lo awm tawh ngei niin kan hria," a ti. www.vanglaini.org

R Sangkawia chuan, Mizo history chhui chian an tumna kawnga chief minister Lal Thanhawla luihnaah an lawm thu sawiin, kohhran hote pawhin a theih angin puibâwm se an duh thu a sawi a, "Pathianin he hnam hi engtikah emaw chuan min la suihkhawm ang a, rorelna pakhat hnuaiah min la dah ngei kan ring," tiin, Mizo zawng zawngte chu insuihkhawm theihna tura ṭan la turin a sáwm a ni. www.vanglaini.org

ZORO vice president Laldova chuan, hmanlaia Mizote chanchin inziahna lehkhabu ṭhenkhat aṭanga a lan danin, Mizote chu kum 1700 hma lamah tuna Mizoram chhungah an lo cheng tawh nia an hriat thu leh, kum 1200 velah pawh Mizo hnam pêng ṭhenkhat chu an lo khawsa tawh nia a lan thu a sawi.

ZORO hian tun hnai khan committee peng hrang hranga hruaitu turte an ruat thar a; committee pêng an neihte chu - Socio-Cultural Centre & Traditional Institution, Internal Affairs, External Affairs, Finance Committee, Information, Publicity & Public Relation leh Legal Cell-te a ni. www.vanglaini.org


Share this Post

Login to comment
No Comments