Meghalaya-in sakhaw biakna hmun hawn tum ṭhulh leh

Meghalaya sorkarin June 14 aṭanga an state chhunga sakhaw biakna hmunte hawn ṭan tura a tih chu a ṭhulh leh a, khar chhunzawm zel an ni leh dawn tih a sawi.

Sakhaw pawl hrang hrang leh hruaituten rawtna an siamte aṭangin thutlukna siam tawh hi thlak leh a ni. Deputy chief minister chuan an state-ah Covid-19 kai hmuh belh zel an nih avangin thutlukna hi siam ṭhat leh a ni, a ti. 

Heng hmunte hawn theih a nih hun tur an la ngaihtuah ṭha leh dawn a ni.