Wenger, Mourinho & Pochettino ten Covid-19 laka inven dan mipui thurawn an pe

FIFA leh World Health Organization (WHO) chuan coronavirus laka mipui him theih nan video an siam a, he inzirtirna video-ah hian football manager lar Arsene Wenger, Jose Mourinho, Mauricio Pochettino bakah Manchester United hmeichhe team manager Casey Stoney, Senegal manager Aliou Cisse, United States hmeichhe team manager hlui Jill Ellis leh FIFA president Gianni Infantino te an lang a ni. An thuchah hi Covid-19 invenna atana mi zawng zawng tana pawimawh a ni a, Mizote pawhin kan zawm a ṭul hle.

Arsene Wenger : Chibai vek ule. Coronavirus vangin hun khirh khan tak kan tawng mek tih kan hre ṭheuh a, hei vang hian kan hriselna hi kan ngai pawimawh hmasak ber a ṭul. Covid-19 do na tura pawimawh panga kan rawn tarlang dawn a, thuawih takin engtik lai pawha zawm turin ka ngen takmeuh meuh a che u.

Mauricio Pochettino : A bul ṭanna chu kut hi a ni. Khawngaihin kut sil ngun turin ka ngen a che u, a theih a nih phei chuan kut silna atan alcohol telna ngei in hmang dawn nia.

Casey Stoney : Khuh leh hahchiau laiin kan kiu thlepin kan hnar leh ka kan khuh tur a ni. Tissue kan hmang a nih chuan rang takin bawlhhlawh pawmah kan paih nghal tur a ni.

Aliou Cisse : Kan hmai - kan mit, kan hnar leh kan ka kan khawih tur a ni lo. He thu hi kan zawm a nih chuan natna hrikin kan taksa a lut tur a veng dawn a ni.

Jose Mourinho : Mi tute nen pawh kan inbiakin kan fimkhur a ṭul. Khuh leh hahchhiau te nen kan inkarah metre khat (3.28084 feet) tal kan dah tur a ni. 

Jill Ellis : I damsan lo a nih chuan inah awm ang che. Ram tam takah chuan mi hriselte pawh inkhung hran a ṭul hial ang. Tualchhunga medical lama mithiamte thuchhuak zawm ṭha ang che.

Gianni Infantino : Khawngaihin chanchinthar ngaihven reng ula. Coronavirus dona kawnga WHO duh dan leh hmalakna te zawmin thlawp ula. Kan thawhhona a ṭhat chuan inkhel harsa takah hian hnehna kan chang ngei ang.