Big Hit Entertainment leh KISWE thawkdun

South Korean entertain­ment company, Big Hit Entertainment chuan K-Pop-in hma a sawn zel theihna turin American streaming service KISWE company an thawhpui.

June 8 khan Big Hit Entertainment global CEO Yoon Seok Jun leh KISWE President leh founder ni bawk Dr. Kim Jong Hoon leh CEO Mike Schabel-te chuan thawhdunna thluthlung an ziak a, he company pahnih hi an sumdawnna kawnga hlawk zawka an kal theihna atan leh K-pop artist-te an lar zual theih nana tih a ni. 

Company pahnih ṭang­khawp hi June 14 hian an thawkdun ṭan dawn a, hemi ni hian K-pop band BTS’ Bang Bang Con The Live tih chu live-in an pechhuak dawn a ni. KISWE company hi kum 2013 khan din a ni a, NBA, MLS, PGA Tour leh Turner Sports (TNT)-te pawh an lo thawhpui tawh bawk.