F1 nipui chawlh awm dawn lo

Season dangah chuan Formula 1 hman laklawk laiin chawlh kar hnih chhung an chawl ṭhin. Nipui chawlh hi a tlangpui thuin August thlaah an nei ṭhin a, kuminah erawh season ṭan hun an sawn hlat avangin chawl loin an kaltlang ang.

Coronavirus vangin F1 hi an tum hunah an ṭan thei lo, March leh April thla chu an chawl dawn. May thla tirah Dutch Grand Prix an tlan theih beisei a ni a, hei pawh hi an ṭan thei ngei ngei dawn tih a la chiang chuang lo.

International Automobile Federation (FIA) chuan dan an siksawi hi an pawm tawh, team inlan tur 10 te chu loh theih lohna vangin April thla chhung hian chawlhkar thum aia rei an chawlh a la ngai dawn a ni. Ruahman dan chuan tun season-ah hian intlansiak 21 awm tura tih a ni. Mahse, a tir lam pali chu an tlan thei lo lailawk phawt, dan leh hraia an ziah dan chuan world championship nei tur chuan intlansiak vawi riat tal an neih a ngai a ni.