Meghalaya sorkarin tuition Fee 50% in a tihniam

Meghalaya sorkar chuan thla thum chhung; April, May leh June thla atan government-aided school-a zirlaiten tuition fee an chawi chu 50% in a tihniam. 

Private school-te chuan hemi hun chhung­ah hian tuition fee a pang­ngaiin an la thei dawn thung a, mahse thil dang chawi ngai ṭhin erawh an la tel lo ang. 

Deputy chief minister Prestone Tynsong chuan a pangngai anga tuition fee lo la tawh school-te chuan an siamrem a ngai dawn a ni, a ti. Tysong chuan, "Nu leh pa, leh pawl hruaitute hnen aṭangin lockdown kalpui a nih chhunga school fee pek tur, a bikin tuition fee chu tihniam tura ngenna eng emaw zat kan dawng a ni," a ti. Hei vang hian he thutlukna hi an siam tih a sawi bawk.