Becker-a'n a hna bansan

German tennis player ropui ni ṭhin Boris Becker chuan German Tennis Federation tana a hna thawh lai a bansan. Player naupang chher chhuah leh Davis Cup team enkawltu zingah a ṭang ṭhin a, a chawl dawn tihna a ni.

Kum 53 mi Becker chuan, "Ka hna pangngai thawk chhunzawm turin hun ka nei thei ta lo, a pawi ka ti takzet. Hun remchang ṭha a awm leh a nih chuan ram tan tha ka la thawh ve leh ngei ang," a ti.

Tennis player ropui ni ṭhin Becker hi a tlachhia a, 2017 khan sum lam harsatna nasa tak a tawk hial. A nungchang vangin buaina neuh neuh a nei fo bawk a, thla hmasa khan London Court-ah a inlan a ngai hial.