Hri kai pun tamnaah central team tir

Union ministry of health and family welfare chuan ram chhunga Covid-19 kai pun tam zualna, state/UT 15-a district/municipal body 50 chuangah high level multi-disciplinary Central team a tir.

Central team-te hian state sorkar chuan hri leng darh zel tur venna kawnga hma lak leh khuahkhirhna siam kawngah puiin, thurawn te a pe ang.  Central team tirhna state-te chu - Maharashtra (7 districts/municipalities), Telangana (4), Tamil Nadu (7), Rajasthan (5), Assam (6), Haryana (4), Gujarat (3), Karnataka (4), Uttarakhand (3), Madhya Pradesh (5), West Bengal (3), Delhi (3), Bihar (4), Uttar Pradesh (4), leh Odisha (5) te an ni. 

Team pakhatah hian member pathum zel awmin,  public health experts/epidemiologists/clinician pahnih leh senior joint secretary level nodal officer an ni. An kalna hmunah hian health care facility-te an tlawh kual ang.