Mumbai an chak hram

Indian Super League inkhelah Mumbai City chuan 1-0 in FC Goa an hneh hram a, inkhela goal awmchhun hi Wolverhampton Wanderers striker hlui Adam le Fondre-a'n penalty aṭanga hun pek belha a khung a ni. 

Bengaluru laka comeback thei FC Goa vanneih zan a ni lo a, minute 40-na lekah Khasi winger Redeem Tlang chu Hernan Santana laka a tackle hlauhawm tak avangin hnawhchhuah a ni - player 10-in minute 50 chhung an khel tihna a ni. 

Mumbai-in a tam zawk nichungin goal khung thei lo mah se hun pek belh minute nganaah Goa midfielder Lenny Rodrigues chuan penalty area-ah ball tawk fuhin penalty a chawi. 

Season hmasa A League match 20 khelha goal 17 khung thei Adam le Fondre a lo pen chhuak a, Bolton Wanderers striker hlui hian point thum hlawhchhuahna ni turin goal-ah a chantir.