Sui Kyi-i party-in hnehna an chang tih sawi

Myanmar ram inthlan­pui, November 8-a neih taka official result chu puan la ni lo mah se, Aung Sang Suu Kyi-i party, National League for Democracy (NLD) chuan hnehna an chang tawh niin an sawi. 

NLD thupuangtu, Myo Nyunt chuan sorkarna siam tura Parliament-a seat ma­mawh  an la tawh tih a sawi a, inthlan result ṭha tak an neih avangin mipuite chungah lawmthu a sawi nghal a ni. 

Pathianni khan Parlia­ment lower house, seat 425 zinga seat 31- ah  leh upper house-a seat 217 zinga seat 161-ah inthlan hi neih a ni. Parliament in hniha seat awm zat aṭanga 25% ve ve hi sipaite chanpual a ni thung. 

Sorkarna siam turin NLD hian seat 322 an lak phak a ngai a, mahse result kimchang hriat la ni lo mah se hei hi an la pha ngei dawn tih an sawi. 

Kum 2015 inthlanpuiah khan NLD hian hneh taka thlan tlin lo ni tawhin, seat 390 a la pha a ni. Kuminah erawh chuan hnehna a chan leh ngei rin sa ni mah se, inthlan hmasa erawh a phak dawn lo niin a lang.