Lazio beiseina a nung

Juventus rorelna a nghing mek zel, kum 20 hnua a vawi khat nan Lazio chuan Serie A champion nih an tum - Italian champion Juve an phak lohna chu point khat chauh a ni.

Coronavirus vangin Inrinni zan khan Italy hmar lama league match pali khelh tur chu a hun sawn an ni. Pathianni zan khan Genoa mualah Lazio an lenglut a, coach Simone Inzaghi naute hian 3-2 in hnehna an chang.

Lazio hian an league match khelh hnuhnung 20-ah chak loh an nei lo, khualmualah hian Adam Marusic, Ciro Immobile leh Danilo Cataldi ten goal khat ṭheuh an khung.

Inzaghi chuan, "Hri leng vangin ram chhungah mipui an chiai mek a, chutiang karah chuan point thum hlu tak kan hlawh chhuak thei hi ka lawm. Thuneitu lamin a venhim hna thawh nana an hmalakna hi kan pawm thiam a ngai," a ti.