Pakistan SC-in Musharraf dilna ngaihtuah
Pakistan Supreme Court chuan nimin khan an ram president hlui, Pervez Musharraf-a'n special court-in ram phatsantua puhna thubuaia thiam loh chantir a ni leh, thi tura hremna a pek chungchanga ngenna a thehluh chu a ngaihtuah sak.
Special court-in thiam loh a chantirna leh a hremna a pek chungchang ngaihtuah ṭha turin Musharraf hian Supreme Court-ah a thlen a, mahse he a ngenna thlen hi hi court registrar office chuan a lo hnawlsak. Hemi hnu hian registrar office thil tih dan hi Supreme Court-ah a khing let zui leh ta a ni.
Chief Justice of Pakistan Justice Gulzar Ahmed chuan nimin khan Musharraf-a'n court registrar office a khinna hi a ngaihtuah a ni.
Hetih lai hian registrar office chuan petition thehluttu hi a inpek phawt loh chuan, a appeal-na hi ngaihtuah theih a ni lo tih a sawi. Hei hi Supreme Court Rules, 1980-a Order 23, Rule 8-ah tarlan a ni tih a sawi.