March aṭangin UK-in passport hran pe chhuak dawn

United Kingdom (UK) chuan European Union (EU) an chhuahsan tawh avangin, March thla aṭang hian passport hran a pe chhuak 

ṭan tawh dawn tih a sawi. 

EU a chhuahsan hnuah UK sorkar hian kum 1988 aṭanga EU ram ten an hman, passport a kawm senduk chu a la hman chhunzawm a ni. Mahse March thla aṭang hian hei hi thlakin, passport hran, a kawm pawl an hmang tawh dawn a ni. 

Sorkar thuchhuak chuan, passport pawl hi March thla tira pek chhuah ṭan a ni dawn a, kumin kum chanve-ah chuan passport thar zawng zawng chu a kawm pawl hi a ni vek tawh dawn a ni, a ti. A kawm rawng thlak a nih bak­ah, passport kawm hnung lamah Eng­land, Northern Ireland, Scotland, leh Wales emblem dah a ni bawk ang. 

UK hian kum 1921 khan pass­port kawm pawl hi a lo hmang tawh a, he rawng hi an duh ber pawh niin an hmang chhunzawm reng a ni. Mahse EU a zawm hnuah member ramten an duhdan ang zawmin a kawm hi a sendukin a thlak a, mahse kumin January 31 khan EU  hi a chhuahsan leh ta a ni.