BTS ‘Map of the Soul: 7’ Billboard 200 chart-ah No.1

Korean boy band BTS chuan an album thar ‘Map of the Soul: 7’chu kar liam taah khan Billboard 200 chart-ah No.1 an nihpui.

‘Map of the Soul: 7’hian 4,22,000 equivalent album unit a hmu chhuak niin Nielsen Music/MRC Data chuan a tarlang a, hemi aṭanga 3,47,000 chu album hralhna aṭangin a ni. BTS hi  YoungBoy Never Broke Again leh Ozzy Osbourne-te pawhin an tluk zo lo a, Korean boyband huhang ngah zia hei hian a tilang chiang awm e.

Billboard lam hian vawi­in hian chart result hi an tarchhuak dawn chuah thung. Map of the Soul: 7  hi February 21 khan Big­Hit Entertainment kal­tlangin an tlangzarh a, kar khat chhunga 4,22,000 equivalent album unit a hmuh chhuak bakah hian SEA units 48,000 leh TEA units 26,000 a hmuchhuak bawk. SEA units aṭanga an hmuhchhuah hi on-demand stream-a maktaduai  74.79 nen a intluk a ni.

BTS hi kumin chhunga equivalent album unit hmuchhuak hnem ber an ni a, Billboard 200 chart-a No.1 ni thei album pali an neihna a ni chiah bawk. Album sales-ah pawh an sang hle a, kumin chhunga kar khat chhunga album hralh ṭha ber an ni a, Korean boy band-te hian an vanglai an la hmang chho zel dawn niin a lang.

Top Ten Billboard 200 

1    "Map of the Soul: 7"     - BTS (Bangtan Boys) (422,000 units)

2    "Still Flexin, Still Steppin"     - YoungBoy Never Broke Again (91,000 units)

3    "Ordinary Man"     - Ozzy Osbourne (77,000 units)

4    "Changes"     - Justin Bieber (66,000 units)

5    "Please Excuse Me for Being Antisocial"     - Roddy Ricch (65,000 units)

6    "Artist 2.0"     - A Boogie Wit Da Hoodie (57,000 units)

7    "Hollywood's Bleeding"     - Post Malone (50,000 units)

8    "Meet the Woo, V.2"     - Pop Smoke (49,000 units)

9    "A Love Letter to You 4"     - Trippie Redd (43,000 units)

10    "When We All Fall Asleep, Where Do We Go?"     - Billie Eilish (38,000 units)