Airport tihchangtlun tum dan tarlang
MNF member Dr ZR Thiamsanga'n Lengpui airport tihchangtlun tum dan chungchang a zawhna ziaka GAD changtu chief minister Zoramthanga'n Lengpui airport tihchangtlun nana hmalak leh hmachhawpte a tarlang.
Airport tichangtlun tum dan :
l Additional DVOR : Navigational tihchangtlun nan Hmunpui tlangah DVOR khawl dahbelh tura hmalak mek a ni a, Communication installation hi March 2020 a zawh fel hman beisei a ni. He khawl hi hman theih anih hunah chuan domestic leh international flight, Lengpui chunga thlawk zawng zawng ten an hmang ṭangkai hle dawn a ni.
l Apron tihlen : Scheduled Airline Service a lo pun belh zel avangin ṭum khata thlawhna tam zawk park theih nan Apron hi tihlen tum mek a ni a, a hna hi a chanve vel thawh zawh tawh a ni a, siam zawh hunah chuan tuna Apron a thlawhna ding thei zat pali (4) hi pariat (8) a chhoh beisei a ni.
l Terminal building tihlen : Khualzin veivak kan pun zel avangin terminal building hi tihlen (extend) tum a ni a, ṭum khatah mi sanghnih (2000) len theihna tura ruahman a ni.
l Runway tihchak : Lengpui Airport Runway chakzawk hi 36 PCN a ni a, hei vang hian Airbus 320 etc te hian full load in an operate thei lo a, hemi avang hian runway chak zawng (strength) hi 56 PCN-ah tal tih chak tum a ni.
l ATC leh Fire Station sak ṭhat : Air Traffic Control leh Fire Station-te hian duhthu an sam tawh lo a, ATC aṭang hian runway pum a hmuh theih loh bawk. Hengte avang hian ATC leh Fire Station-te hi building pakhat a inkawpin sak-
ṭhat tum a ni.
l Terminal building leh a tihchangtlun : Terminal building chhunga thuam-
ṭhat ngai laite, waiting shed siamṭhat, chaplain office sak leh car parking area cheiṭha tura ruahmanna siam a ni.
l Isolation Parking Bay : Emergency emaw hijack awm thulha thlawhna dahna tur Isolation Parking Bay chu siam mek a ni a, 70% physical work zawh tawh a ni.
l Heng bakah hian runway extend, night landing facilities, runway side strip tihlen etc. te pawh hmachhawpah neih a ni.