Rajya Saba seat 55-a inthlan neih hun tur puang

Election Commission of India (ECI) chuan April thlaa an term tawp tur, Rajya Sabha seat 55-a inthlan neih hun atan March 26 a ruat. Heng seat 55-ah hian vote thlak niah vek result puan nghal a ni ang.

 

Inthlan neihna tur seat 55 hi state 17 ami an ni. Heng zingah hian BJP chuan seat 16 nei mekin, Congress in 13, All India Trinamool Congress (TMC)  leh All India Anna Dravida Munnetra Kazhagam (AIADMK) in seat li ve ve, Biju Janta Dal (BJP) leh Janata Dal (United) in seat thum ve ve leh,  National Congress Party (NCP) in seat hnih an nei. 

Rajya Sabha seat 55-a inthlan neihna tur atana hriattirna hi March 6-ah tichhuakin, March 13 thleng nomination thehluh theih a ni ang. March 26, zing dar 9 aṭanga tlai dar 4 thleng vote thlak theih a ni dawn a, vote thlak hun a tawp veleh vote tlate chhiar nghalin, hemi ni vek hian result pawh puan nghal a ni ang.