Taiwan-in mask maktaduai 10 thawh dawn

Taiwan president Tsai Ing-wen chuan an thawhpui ram, coronavirus len hluarna ramte puihna turin hmaituamna maktaduai 10 leh damdawi lama an mamawh zualte an thawn dawn tih a sawi. 

Foreign minister Joseph Wu chuan mask an thawnchhuah tur zinga a tam ber hi US leh Europe rama hri len nasat zualna ramah thawn a ni dawn tih sawiin, Taiwan chuan a theih angin a pui zel dawn a ni, a ti. 

Taiwan sorkar hian hri leng vanga an ram economy-in harsatna a tawh tur puihna turin US dollar maktaduai 35 a ruahman tawh bawk.