'Live Young Live Free Drive XUV 300' nei

Mizorama Mahindra dealer Mana Motors chuan nimin khan Mahindra XUV 300 leitute tan Rally leh intihhlimna a buatsaih. 

He hunah hian XUV 300 motor 20 vel an tel a, Traffic Police kaih­hruaina hnuaiah Rally-a telte hi Folkland Park aṭanga tlan chhuak ṭanin, Aizawl khawpui an hel a; hmar lam aṭangin chhim tawp Zam­puimanga lungphun aṭangin Aizawl by-pass road-ah tlan letin Folkland Park-ah bawk an tawp leh a ni. Mana Motors hotupa Dr Franklin  Lalrinngheta chuan rally hi a vai liam.

He hun hi mipui tana harsatna siam lo tura lirthei khalh dan inzirtirna hun a ni tel a, Dr. Marina chuan, "Mipui vantlang tana ṭangkai ni tura ke pen hi kan tih tur pawimawh tak a ni a. Veng hrang hrangah mi harsa ṭanpui leh chhawmdawl ngai chhawmdawlin theih angin hma kan la ve ṭhin.

"Chu bakah min dawrtute chungah kan lawmzia lantir nan tih ve tur kan nei niin kan inhria a, kum tinin hun hlimawm kan siamsak ṭhin a ni," tiin rally an buatsaih chhan a sawi.