UN-in Ethiopia-a mi rethei ṭanpui nan USD tld hmuh tum

United Nations (UN), Ethiopia sorkar leh an thawhpui hrang hrangte  chuan Ethiopia rama raltlan leh mi harsa zawkte tan kum 2020 chhunga hman tur US dollar tluklehdingawn khat hmuhchhuah an tum. 

He pawisa hi Ethiopia rama mi maktaduai 7 aṭanga 8.4 inkar vel te harsatna sut kian a nih theih nana ruahman a ni. United Nations Sec­retary-General thupuang­tu Stephane Dujarric chuan kumin chhung hian  natna hrang hrang vanga harsatna thleng leh ruahsur nasa avanga tuiliante a thlen leh a rin thu sawiin, hemi avang hian sum hi mamawh a nih thu a sawi.

Ethiopia ramah hian khaukhuap chi hrang hrang len vangin an an ei leh barah harsatna a awm phah mai bakah, nunphung a tikhaihlak fo a ni. Africa ram zingah chuan hetiang  harsatna tuar nasa ber zinga mi an ni.

Nikum khan Ethiopia rama mi harsa zawkte ṭanpuina turin US dollar tld 1.3 ruahman a lo ni tawh bawk a, hei hi mi mtd 8.3 aṭanga 8.86-te tana ruahman a ni.