Match hmasa berah Srikanth leh Verma chak lo

Thailand Masters Badminton tournament khelh laiah Kidambi Srikanth leh Sameer Verma te chu an match hmasa berah hneh nei loin an tla nghal a, season hmasa aṭangin India tlangval ten beisei an la phak thei meuh lo.

Nimina inelna neihah seeded pangana Srikanth chu Indonesia tlangval Shesar Hiren Rhustavito nen minute 48 an inkhelh hnuah 21-12, 14-21, 12-21 in a chak lo zawkah a ṭang. World number 1 hlui hi tun season inelna pathum a hmachhawn tawhah hneh nei loin a tla vek.

Mipa singles inkhel dangah Verma a che fuh bik chuang lo. Minute 39 chhungin Malaysian shuttler Lee Zii Jia chu 16-21, 15-21 in a ngam lo, an tan BWF World Tour Super 300 event chu a tawp nghal.

Nizan khan hmeichhe singles lamah Saina Nehwal a inlan a, mipa player HS Prannoy pawhin inelna a hmachhawn - he thu buatsaih lai hian result erawh kan hre hman lo a ni.