Russia President-in cabinet thar a ruat

Russian prime minister kalchhuak ta Dmitri Medvedev-a'n kar liam taa banna a thehluh hnuah, president Vladimir Putin chuan Thawlehni khan cabinet thar a ruat fel a, Russia-ah sorkar thar a piang ta a ni.

President Putin hian prime minis­ter thar atan Tax Sevice chief Mikhail Mishustin chu ruat a, deputy prime minister 10 a neih mek chu 9-ah a tihniam bawk. First deputy prime minister atan Andrey Belousov ruat a ni a, Yury Borisov, Yury Trutnev leh Tatyana Golikova-te chuan deputy prime minister hna an la chelh chhunzawm ang. 

Dmitry Grigorenko, Marat Khusnullin, Viktoria Abramchenko, Dmitry Chernyshenko leh Alexey Overchuk-te chu deputy prime minis­ter atan ruat anni bawk. Regio­nal governor hlui kum 40-a upa Maxim Reshetnikov chu Economic Development minister atan ruat a ni thung.

Culture minister atan Olga Lyu­bimova chu ruat thar a ni a, Health minister atan Mikhail Mura­shko, Science and Higher Education minister atan Valery Falkov, Sport minister atan Oleg Matytsin, Enlightenment minister atan Sergei Kravtsov, Labor and Social Protection minister atan Anton Kotyakov leh Digital Development, Communications and Mass Media minster atan Maksut Shadayev-te chu ruat thar an ni.

Finance minister, Energy minis­ter, Agriculture minister, Defence minister leh Foreign minister-te chu thlak an ni ve lo thung.