China aṭanga khualzin lutte airport-ah endik dawn
China rama Coronavirus leng vangin China ram aṭanga India-a khualzin lutte chu airport 7-ah an hriselna dinhmun endik vek an ni dawn tih Ministry of Civil Aviation (MoCA) chuan a sawi.
Ministry of Civil Aviation chuan nimin khan hriattir-na hi tichhuakin, China aṭanga kalte chu he hri leng, 'Novel Corona Virus Disease (2019-nCoV) tia sawi an vei em tih hriatfiah a nih theihnan Chennai, Bengaluru, Hyderabad, Cochin, Delhi, Mumbai leh Kolkata airport-ahte enfiah zel an ni dawn tih a sawi a ni.
China rama hrileng hmuhchhuah ṭanna, Wuhan City-a ni 14 kalta chhunga kalte leh he hri veite lanchhuah dan, khawsik leh khuh neite chu India ram an rawn luh veleh airport-ah emaw, stat health authority-te hnenah emaw inhriattir nghal turin an ngen.