Manipur CM-in mipui mamawh thlen ngaithla

Manipur chief minister N Biren Singh chuan kar liam ta Inrinni khan Imphal-a Chief Minister Secretariat-a joint Meeyamgi Numit and Hill Leaders’ Day hmanaah, mipuiten an lungawi lohna leh an mamawh hrang hrang an thlente a ngaihthlaksak. 

February thla atana joint Meeyamgi Numit and Hill Leaders’ Day buatsaihah hian mipui kal an ṭhahnem hle. Zing dar 7:30 aṭanga chawhnu dar 1 thleng buatsaih a ni a, hemi chhung hian CM Singh chuan mi 1500 dawn hmuin, an mamawh an thlente a lo ngaihthlaksak a ni. Kalkhawm zingah taksa lama rualban lo, hmeithai leh kum upa zawkte chu an harsatna neihte sawi tir hmasak an ni. 

Chief Minister's Sec­retariat chuan an har­satna thlen tura mipui kalkhawmte tan hian ei turte a lo buatsaihsak nghal a, damdawi lama enkawl ngaite enkawl nghal thei turin medical team leh ambulance te dah an ni bawk.