Guwahati-ah NE Music Conference

North East culture chawi lar a, ram dangte nena inzawmna ṭha siam tura hma latu pawl, Eastern Beats Music Society chuan February 28-29 hian a vawi khatna atan Guwahati-ah Northeast India Music Conference a buatsaih dawn. 

Music conference-ah hian khawvel huapa music industry-a hming lang thamte an tel dawn a, anni hian thla hnih liam ta chhunga audition kaltlanga Dimpary, Shillong, Ukhrul leh Aizawl-a musician thlan chhuahte chu zirtirna an pe nghal dawn a ni. North Eastern Council hnena thawk dunin, hmarchhak state hrang hrangah state level music audition  hi neih a ni. 

Easern Beats Music Society founder secretary, Aiyushman Dutta chuan music conference neih rual hian music industry lian tak takte chu thawhdunna tur inremna ziahpui an tum tih a sawi a, MoU an ziahpui tur zingah hian Rolling Stone India, Spotify, CD Baby, Indian Music Diaries te pawh an tel. Hei hi Assam leh hmarchhak puma music industry-in a hlawkpui  ngei an rin thu a sawi bawk.