TMC-in Bengal Assembly-ah anti-CAA resolution pulut dawn

West Bengal-a rorellai, Trinamool Congress (TMC) party chuan January 27-a assembly special session neih hunah sawisel hlawh tak, Citizenship (Amendment) Act (CAA) ṭhiat tura phutna resolution a pulut dawn. 

Kerala leh Punjab assembly-te chuan CAA duh lohna resolution hi an lo pass tawh bawk a ni. 

Chief minister Mama­ta Banerjee chuan anti-CAA resolution hi an pass ve ngei dawn tih a sawi. State minister for parliamentary affairs, Partha Chatterjee chuan democracy humhim an duh tih sawiin, resolution an pulut tur pawh hi thlawp turin Congress leh CPM te a ngen nghal bawk. 

Hetihlai hian Cong­ress hotu, Sonia Gandhi-in January 13-a CAA chungchanga Opposition  meet a kohah Barnerjee hi a telh duh loh avangin eptu party dangte pawh an sawisel zui hman a ni. 

Banerjee hian vawiin hian CAA leh NRC duh lohna lantira Darjeeling-a kawngzawh huaihawtah a telpui ang.