South Sudan vice president atan eptu hruaitu ruat dawn

South Sudan president Salva Kiir chuan eptu  hruaitu, Riek Machar chu First Vice President atan a ruat nawn leh dawn tih a sawi. 

Kum 2018-a inremna an lo ziah tawh angin, Sudan People's Liberation Movement-In Opposition (SPLM-IO) hruaitu Machar hi a dinhmun ngai chelh tir leh a ni dawn a ni. Kirr chuan Machar nen hian thuneihna insemzai a, ṭangrual sorkar siam leh an remti tih sawiin, a kaihruai sorkar chu ṭhiatin vawiinah  unity government hi an din dawn a ni. 

South Sudan hi kum 2011-a Sudan ram aṭanga a indan hnu lawkah tual­chhung indona thleng avangin an buai chho nghal a, hei hian an ram economy thlengin a nghawng nasa hle. An ram mipui zahve dawn chu ei tur khamkhawp nei loin an awm a ni.