Tripura-ah 'Run for Tea' buatsaih
Tripura chuan state tea industry chawilarna turin Nilaini khan 'Run for Tea' a buatsaih.
Law and education minister Ratan Lal Nath chuan 'Run for Tea' a vailiam a, tlan zingah hian Tea Board of India deputy chairman Arun Kumar Roy, ace gymast Dipa Karmakar, Droncharya awardee Bisweswar Nandy, Tripura industries, commerce and tourism department secretary Gitte Kirankumar Dinkarrao te pawh an tel.
Tripura hi hmarchhak state zingah Assam dawta thingpui thar chhuak hnem ber a ni.
'Run for Tea' hi Tea Board of India leh state hrang hranga tea development authority-ten rampum huapa tea awareness kalpuina tur atana an duan a ni. A hmain Silchar leh Tamil Nadu-a Nilgiri-ah te an lo buatsaih tawh bawk.
Tripura-ah hian tea industry hi kum 104 chuang kalpui a ni tawh a, tun thla tawp lam hian state chhung thingpui tharchhuahte chawilar turin Hapania international fair ground-ah international buyers-sellers' meet buatsaih tum a ni bawk tih Tripura Tea Development Corporation (TTDC) chairman Santosh Saha chuan a sawi.