Manipur zirtirtuten nawrh chhunzawm

Manipur-a sorkar school zirtirtute chuan 7th Pay hman phutin nawrh an la chhunzawm zel. 

Council Of Teachers' Association (COTA) hmingin nawrh hi huaihawt a ni. February thla tir lam aṭang khan zirtirtute hian  Zonal Education Office hrang hrang bulah lungawi lohna hi an lantir a ni. 

Ningani lai khan Imphal West district-a nawrh huaihawtte chu ZEO Wangnoi-ah lutin, office complex-ah an lungawi lohna thu te an aupui a ni. 

COTA co-convenor Dr Hitendro Singh chaun hmarchhak state dangah zirtirtuten 7the Pay emaw, a anpui dang an hmang tawh a, an state-ah erawh tun thlengin hman a la ni ve lo tih a sawi.  Thil man a sang chho zel a, hetih laia sorkarin pay thar a hmantir ve duh loh chhan hi a zawt zui bawk. 

7th Pay an phutna hi sorkarina  ngaihtuah sak loh chuan, zirtirtute chuan kawng hrang hrangin lungawi lohna lantir chhunzawm zel an tum tih Singh chuan a sawi.