Bollywood star Mahesh a thi

Bollywood star Mahesh Anand chu Inrinni khan Mumbai-a a chenna inah thia hmuh a ni. Mahesh thih dan hian mipui a barakhaih hle a, a ruang pawh Cooper Hospital-ah postmortem tura lak a ni. 

Kum 57 mi Mahesh Anand hi kum 1990 chho vel khan a lar hle a, film pawh a chang hnem tawh hle. Chung zingah chuan - Kurukshetra, Swarg, Coolie No 1, Vijeta leh Shahenshah-te chu a lar zual niin, tun thla 18-a tlangzarh tur Rangeela Raja-ah pawh a inlan bawk. He film-ah hian Bollywood superstar Govinda-te nen an changho a ni. 

Mahesh Anand hian Bollywood-a hriat hlawh tak tak - Dharmendra, Sanjay Dutt leh Amitabh Bachchan te pawh a lo chanpui tawh a ni. 



Share this Post

Login to comment
No Comments