The Highland Voice Mi 25-in audition paltlang

UK-a reality show lar tak The X Factor-a inlan tur zawnna The Highland Voice chu ṭan a ni ta a, February 6 & 7 khan audition neih a ni. Audition-ah hian mi 65 zet an inlan a, an zinga 25-ten an paltlang a ni. Audition result hi Believing is Seeing Projek (bisprojek) Instagram page-ah live-a puan niin, audition round hi February 13 hian BISTV YouTube channel-ah en theih tura dah chhuah a ni ang. 

Sap hla hmanga intihsiakna The Highland Voice hi tun thla chhunga zawhfel hman tura ruahman niin, top 5-te chu UK-ah a thlawnin an zin thei dawn. An kal man leh visa-te pawh tum sak vek an ni dawn a, British reality show lar The X Factor-ah an inlan thei dawn a ni. Intihsiak hi February 19 & 20-ah chhunzawm leh a ni dawn a, final hi February 28-ah Folkland-ah neih tura ruahman a ni. The Highland Voice hi Ck Cars-ten an sponsor a ni. 



Share this Post

Login to comment
No Comments