Boxer Garcia-a'n in date puiah Selena a sawm!

American boxer Ryan Garcia chuan valtlang hriatah Selena Gomez chu in date puiah a sawp riap mai!

A hmelṭhat em avanga tleirawl tam takin an star rawn Garcia hian tun hnai khan sawmna hi a siam a, American singer hian engtin nge a chhan dawn tih chu hriat chakawm tawh tak a ni. Kum 20 mi Garcia chuan, "Selena hi ka ngainat zawng tak a ni a, a single tih ka hriat avangin in 'date' puiah ka sawm ta a ni. Ka sawmna hi a pawm a nih ngat chuan, milar inkawp fuh berte zinga mi kan nih ngei ka beisei," tiin a sawi. 

Garcia hi boxing khawvelah chuan hmabak nei eng berte zinga mi a ni a, a hmel ṭhat avangin a lar hle. American boxer ropui Oscar De La Hoya din Golden Boy Promotions-ah contract nei lai niin, a hmachhawn tawh mi 17-te chu a hneh vek a ni. 

Lemchan lamah pawh talent a nei ṭha viau a nih hmel a, serial film 'On the Ropes' changtu zingah a tel. Instagram lamah pawh follower maktaduai 1.7 zet a nei a, amah ngaisangtu mi tam tak enkanin Selena hi a chhai ta ngawt mai a ni. 



Share this Post

Login to comment
No Comments