British Academy Film Award Best Actress nominee Lady Gaga

February 11-a sem tur British Academy Film Award chuan boruak a nei lian sawt viau a, nominee pawh puan a ni ta. American singer Lady Gaga chu Best Actress category-ah a hming a chuang vang a, BAFTA Award tingaihnawmtu a ni dawn. 

'A star Is Boarn' star Gaga hi - American actress Glenn Close, Melissa McCarthy, Viola Davis leh English actress Olivia Colman-te nen huang khatah an awm a, award a dawng leh thei ang em tih chu hriat chakawm tawh tak a ni. American director lar Bradley Cooper nena an chandunnna 'A star Is Born' chu category pasarih zetah a lang a, award ngaihlut hlawh tak Best Film dawng thei turin a khan viau bawk. 

Gaga leh Cooper an vul

Tunkar tir khan Golden Globes Award sem a ni a, an inkawpfuh zia an lo lantir tawh. Lady Gaga leh Bradley Cooper-te hi an hla sakdun 'Shallow' avangin Best Song award hlan an ni a, lawmpuitu an ngah hle. He hla hi A Star Is Born original soundtrack niin, an pahnih hian thiam takin an sa dun a ni. 

A Star Is Born an chandun avang hian hlawhtlinnain a umzui a, British Academy Film Award-ah pawh hian Best Actress leh Best Actor award dawng thei dinhmunah an ding mek a ni. 

BAFTA Award-ah hian Greek film director Yorgos Lanthimos chu langsar ber a ni a, category 12 zetah a hming a lang a ni. Film lar leh hlawhtling tak tak - Bohemian Rhapsody, First Man, Roma leh A Star Is Born-te chu category pasarih ṭheuhah an lang bawk. Heng bakah hian - The Favourite, Green Book leh Cold War-te chu an langsar viau bawk. 

British Academy Film Award hi kumtin sem ṭhin a ni a, kuminah pawh February thla tir hian sem a ni leh dawn a ni. 



Share this Post

Login to comment
No Comments